Мадриднинг "Реал" клуби сардори Даниэль Карвахаль мавсум якунлангач, клубни тарк этиши мумкин.
Ўнг қанот ҳимоячисининг амалдаги шартномаси июнь ойи охирида тугайди ва бугунги кунда томонларнинг шартномани узайтириш ниятини кўрсатадиган аниқ белгилар йўқ, дейилади Diario АS ҳисоботида. 34 ёшли футболчи 2024 йилнинг кузида хочсимон пайларидан олган жароҳатидан кейин ҳамон аввалги даражасига қайтмаган.
Даниэль Карвахаль "қаймоқранглилар" сафида жами 438 та ўйинда майдонга тушди ва жорий мавсумда 10 та ўйинда майдонга тушди. Чемпионлар Лигасининг олти карра ғолиби сўнгги учта учрашувда захирада қолдирилди.













