"Манчестер Юнайтед"нинг собиқ ҳимоячиси Уэс Брауннинг фикрича, клуб Жуд Беллингемни ўз сафига қўшиб олиши керак.
"Беллингем - қандай ажойиб футболчи. Шу билан бирга, у ҳали жуда ёш, лекин, менимча, аллақачон босимни енгишга, майдонда масъулиятни ўз зиммасига олишга ва керакли пайтда ўша етакчи бўлишга қодир. Бу борада у ҳозир Бруну ўйнаётган ўйинга бироз ўхшайди у доим ўйинни ўз зиммасига олади.
Жамоанинг ўйини юришмаётган бўлса ҳам, у барибир масъулиятни ўз зиммасига олди. Баъзан бунинг учун уни танқид ҳам қилишарди. Жудда ҳамма нарса бор: феъл-атвор, ишлаш қобилияти, ҳимояда ўйнаш қобилияти ва ўзи яратган майдондаги мавқеи. Беллингем жамоани юз фоиз кучлироқ қилган бўларди", деди футболчи.
