Лондоннинг «Тоттенхэм» клуби бош мураббийи Томас Франк клуб хўжайинлари — Льюислар оиласи ҳақида ўз фикрлари билан ўртоқлашди.
"Улар жуда, жуда жиддий хўжайинлар. Мен улар билан мунтазам равишда гаплашиб тураман. Мен улар билан биргаман, шунинг учун менда ҳеч қандай шубҳа йўқ. Менимча, уларни янги йилдаги янги трансфер ойнасига қараб баҳолаш бир оз адолатсизлик. Бу улар жамоа бошқарувига келганидан кейинги биринчи трансфер ойнаси эди", — дея Франкнинг сўзларини келтиради журналист Фабрицио Романо.
Таъкидлаш жоизки, шу қишда «шпорлар» Мадриднинг «Атлетико» клубидан Конор Галлахерни ва «Сантос»дан Соузани сотиб олишди. Шу билан бирга, Бреннан Жонсон «Кристал Пэлас»га йўл олди.
24-турдан сўнг «Тоттенхэм» Англия Премьер-лигаси турнир жадвалида 29 очко билан 14-поғонани эгаллаб турибди.













