«Барселона» ўз таркибини кучайтириш бўйича режалар тузмоқда. «CaughtOffside» нашри берган маълумотларга кўра, Каталония клубининг қизиқишлар доирасига «Манчестер Юнайтед» марказий ҳимоячиси Лисандро Мартинес тушган.

Қайд этилишича, «Манчестер Юнайтед» 28 ёшли Мартинесни сотишни истамаяпти. Шу билан бирга, «Барселона»га яқин бўлган шахсларнинг фикрича, агар нарх мақбул бўлса, трансфер амалга ошиши мумкин.

«Қизил иблислар» Лисандро Мартинес учун тахминан 55 миллион евро талаб қилишлари мумкин.

Мартинес «МЮ» сафида жами 104 та ўйин ўтказган. Уларда аргентиналик футболчи ўз ҳисобига учта гол ва учта голли узатмани ёздириб қўйган.