Майк Меньян билан шартнома узайтирилганидан сўнг, «Милан» бошқа бир муҳим ўйинчи — инглиз ҳимоячиси Фикайо Томори билан ҳам худди шундай жараённи амалга ошириш бўйича якуний босқичга чиқди. Бу ҳақда нуфузли италиялик журналист Маттео Моретто хабар бермоқда.
"Музокаралар илғор босқичда. «Милан» ўз таклифини берди, футболчининг атрофидагилар эса уни кўриб чиқишмоқда. Томори «Милан»да қолишни истайди, у Массимилиано Аллегри билан жуда яхши чиқишиб кетган. Фақат кичик деталларни ҳал қилиш қолди холос", — дея Мореттонинг сўзларидан иқтибос келтирмоқда «pianetamilan.it».
Эслатиб ўтамиз, Фикайо Томори 2021 йилдан бери Италия клуби шарафини ҳимоя қилиб келмоқда.
