"Реал Мадрид" бош мураббийи Альваро Арбелоа шанба кунги матбуот анжуманида жамоа билан олиб борилаётган ишлар ҳақида фикр билдирди.

"Катта жамоалар ғалаба қозониш учун кўп нарсани тўғри бажаришлари керак. Биз ҳаракатларимизни автоматик тарзда бажаришга, синхрон фикрлашга қодир бўлишимиз лозим... Бунга фақат машғулотлардаги тинимсиз меҳнат ва вақт эвазига эришиш мумкин. Ушбу ҳафтада биз ўйиннинг барча жиҳатларини яхшилашга эътибор қаратдик. Энг юқори даражамизга (максимумимизга) чиқишимизга ҳали анча бор", — деди Арбелоа.