"Барселона" бош мураббийи Ханс-Дитер Флик шогирдларининг "Мальорка" устидан қозонган ғалабасидан сўнг ўз фикрларини билдирди. Ла Лиганинг 23-туридан ўрин олган учрашув 3:0 ҳисобида каталонияликлар фойдасига якунланди.
"Айниқса, Берналь учун "Барселона"даги илк голини уриш жуда ёқимли бўлди. У жароҳатдан сўнг қадамма-қадам сафга қайтди, бугун у учун ажойиб кун бўлди", — дея Фликнинг сўзларидан иқтибос келтирмоқда Marca.
"Биринчи бўлимда биз жуда секин ҳаракат қилдик, ўз ўйинимизни кўрсата олмадик. Иккинчи бўлим эса анча яхши ўтди. 3 очко жамғардик, 3 та гол урдик ва гол ўтказиб юбормадик — бу жуда ижобий тур бўлди", — дея қўшимча қилди Флик.
