"Челси"нинг собиқ ҳужумчиси Раҳим Стерлинг фаолиятини Италияда давом эттириши мумкин.
Topskills Sport UK нашрининг хабарига кўра, "Наполи" инглиз футболчисини ўз сафига қўшиб олишдан манфаатдор. Бироқ, бу трансфер фақат ҳужумчи маош борасидаги талабларини пасайтирган тақдирдагина амалга ошиши мумкин. Томонлар ўртасидаги музокаралар давом этмоқда ва улар якуний босқичда. Неаполь клуби футболчига ўз шартларини баён қилган, эндиги қарор ўйинчининг ўзига боғлиқ.
Раҳим Стерлинг январь ойида эркин агент сифатида "Челси"ни тарк этган эди. Лондон клуби футболчи билан шартномани бекор қилди. Жорий мавсумда ҳужумчи бирорта ҳам ўйинда майдонга тушмади, ўтган мавсумни эса ижара асосида Лондоннинг "Арсенал" клубида ўтказган эди.
