Кеча Озарбайжон чемпионатининг 2-тур учрашувлари бошланди. Ушбу турда ҳамюртимиз Баҳодир Насимовнинг жамоаси "Нефтчи" сафарда "Ряван"га қарши кураш олиб борди ва 2:0 ҳисобида ғалабага эришди.

Эътиборли томони, ўйиндаги ҳар иккала голга Баҳодир муаллифлик қилган. У дастлаб 15 дақиқада ҳисобни очган бўлса, ўйин якунланишига 4 дақиқа қолганида якуний ҳисобни ўрнатган - 2:0.

14-рақам эгаси учрашувда тўлиқ ҳаракат қилган.

"Нефтчи" ҳозирча 6 очко билан 10 жамоа орасида якка пешқадам бўлиб турибди. 2-турнинг яна 3 ўйини бугун бўлиб ўтади.

Эслатиб ўтамиз, Баҳодир Насимов 1-турда "Азал"га қарши учрашувда ҳам гол муаллифи бўлганди. Шунга кўра, айни пайтда Озарбайжон чемпионати тўпурарлар жадвалини айнан ҳамюртимиз бошқариб бормоқда.