«Барселона» вингери Ламин Ямал «Мальорка»га қарши баҳсда (3:0) ҳам майдонни голсиз тарк этмади.

18 ёшли футболчи учрашувнинг 61-дақиқасида гол уриб, «кўк-анорранглилар»нинг иккинчи голи муаллифига айланди. Каталония грандининг ёш юлдузи барча мусобақаларда қаторсига бешта ўйинда гол уришга муваффақ бўлди ва бу унинг шахсий рекордини янгилашидир. Илгари Ямал клуб миқёсида қаторсига тўртта ёки ундан ортиқ ўйинда гол ура олмаган эди.

Бундан олдин футболчи «Реал Овьедо», «Копенгаген», «Эльче» ва «Альбасете» дарвозаларини бир мартадан ишғол қилганди. Ламин Ямал жорий мавсумда «Барселона» сафида ўтказган 30 та ўйинида 15 та гол ва 13 та голли узатма берди.