«Ньюкасл» ярим ҳимоячиси Энтони Гордон фаолиятини «Манчестер Юнайтед»да давом эттириши мумкин.

Журналист Бен Жейкобснинг маълумотларига кўра, «қизил иблислар» футболчини сотиб олишга жиддий қизиқиш билдирмоқда. «МЮ» Гордонни асосий ўнг қанот вингери сифатида кўрмоқда. Футболчи «Манчестер Юнайтед»нинг ёзги трансфер ойнаси учун асосий мақсадларидан бири ҳисобланади.

Энтони Гордон 2023 йилда «Эвертон»дан 45 миллион евро эвазига «Ньюкасл»га ўтган эди. Унинг «қарғалар» билан шартномаси тафсилотлари номаълумлигича қолмоқда. Жорий мавсумда ярим ҳимоячи барча мусобақаларда 33 та ўйинда майдонга тушиб, 10 та гол урди ва тўртта голли узатмани амалга оширди.