Лондоннинг "Арсенал" клуби бош мураббийи Микель Артета "Сандерленд"га қарши учрашув якунларини сарҳисоб қилди. АПЛнинг 25-тури доирасидаги баҳсда "тўпчилар" 3:0 ҳисобида ғалаба қозонишди.
"Жуда яхши жамоа, уларнинг ўйинчилари рақиблар ҳаётини қийинлаштира олади. Жисмоний жиҳатдан кучли, тўғридан-тўғри ҳужум қиладиган ва яхши ташкил этилган бу жамоа ўйинни анча вақт интригада ушлаб тура олди", — дея Артетанинг сўзларидан иқтибос келтиради "Sky Sports".
"Биз деярли ҳеч нарсани бой бермадик. Фақатгина дарвозабонимиз тўпни эгаллашга ҳаракат қилган эпизодда хатолик бўлди — менимча, у ерда қоида бузилган эди. Қолган вазиятларда эса ҳаммаси жойида.
Ўйинни барча жабҳаларда тўлиқ назорат қилиш ва ҳукмронлик қилишнинг имкони йўқ эди, чунки рақиб футболчилари ўйинни бузишни биладилар ва охирги сониягача курашдилар. Бугун завқланадиган лаҳзалар келди, мен жуда бахтиёрман".
