Londonning "Arsenal" klubi bosh murabbiyi Mikel Arteta "Sanderlend"ga qarshi uchrashuv yakunlarini sarhisob qildi. APLning 25-turi doirasidagi bahsda "to‘pchilar" 3:0 hisobida g‘alaba qozonishdi.
"Juda yaxshi jamoa, ularning o‘yinchilari raqiblar hayotini qiyinlashtira oladi. Jismoniy jihatdan kuchli, to‘g‘ridan-to‘g‘ri hujum qiladigan va yaxshi tashkil etilgan bu jamoa o‘yinni ancha vaqt intrigada ushlab tura oldi", — deya Artetaning so‘zlaridan iqtibos keltiradi "Sky Sports".
"Biz deyarli hech narsani boy bermadik. Faqatgina darvozabonimiz to‘pni egallashga harakat qilgan epizodda xatolik bo‘ldi — menimcha, u yerda qoida buzilgan edi. Qolgan vaziyatlarda esa hammasi joyida.
O‘yinni barcha jabhalarda to‘liq nazorat qilish va hukmronlik qilishning imkoni yo‘q edi, chunki raqib futbolchilari o‘yinni buzishni biladilar va oxirgi soniyagacha kurashdilar. Bugun zavqlanadigan lahzalar keldi, men juda baxtiyorman".
