"Манчестер Юнайтед" устози Майкл Кэррик жамоа билан ишлаш унга ёқаётгани ҳақидаги саволга жавоб берди.
"Ҳа, албатта. Бундай иш қандай қилиб ёқмаслиги мумкин? Мен учун бу идеал иш. Ўзимни жуда яхши ҳис қиляпман ва гўёки бу ерда аслида бўлганимдан кўра кўпроқ вақт ўтказгандекман. Бу штаб ва футболчиларнинг хизматидир. Ҳозирда ҳаммаси яхши кетмоқда. Биз ишнинг дастлабки қисмини муваффақиятли ўтказдик, аммо ҳотиржамликка берилмаслигимиз керак", — деди Кэррик "BBC" нашрига берган интервьюсида.
Эслатиб ўтамиз, январь ойида "Манчестер Юнайтед" Майкл Кэррикни 2025/2026 йилги мавсум якунига қадар мураббий этиб тайинланганини эълон қилган эди. Ўшандан бери "қизил иблислар" кетма-кет тўртта ўйинда ғалаба қозонишди.













