«Ливерпуль» раҳбарияти жамоа бош мураббийи Арне Слотни тўлиқ қўллаб-қувватлашда давом этмоқда. Бу ҳақда журналист Жонатан Норткрофт хабар бермоқда.

Манбанинг маълумотларига кўра, Жереми Жакенинг сотиб олиниши келажак жамоасини шакллантириш йўлидаги яна бир қадам сифатида кўрилмоқда. Қайд этилишича, Луис Диас кетганидан сўнг «Ливерпуль»нинг асосий муаммоларидан бири — ҳимоячиларни яккама-якка курашда (дриблинг эвазига) ортда қолдира оладиган вингер йўқлиги бўлиб қолди. Бироқ, клуб ёзда ушбу масалани ҳал қилишга ҳаракат қилиши мумкин.

Ҳозирги вақтда «Ливерпуль» Англия чемпионати турнир жадвалида 24 та учрашувда 39 очко жамғарган ҳолда олтинчи ўринни эгаллаб турибди.