Британиялик журналист Пирс Морган Премьер-лиганинг 25-тури доирасида «Сандерленд» устидан қозонилган уй ғалабасидан (3:0) сўнг, Лондоннинг «Арсенал» клуби устози Микель Артетанинг ишига баҳо берди.
«Ҳозир «Арсенал»да дунёнинг энг яхши мураббийи бор. Артета ўз чўққисида турибди. Шу йиллар давомидаги ривожланишни кузатиш жуда мароқли», — дейилади журналистнинг ижтимоий тармоқлардаги хабарида.
Англия чемпионати турнир жадвалида «канонирлар» 56 очко билан биринчи ўринни эгаллаб туришибди. Артета шогирдлари иккинчи ўринда бораётган «Манчестер Сити»дан тўққиз очкога олдинда.
Премьер-лиганинг кейинги турида Лондон жамоаси сафарда «Брентфорд» билан куч синашади.
