«Ливерпуль»нинг собиқ футболчиси Дэнни Мерфи «Манчестер Юнайтед» ярим ҳимоячиси Бруну Фернандешнинг ўйини ҳақида ўз фикри билан ўртоқлашди.
«Ҳозирги вақтда Бруну Фернандеш, эҳтимол, Европа футболидаги энг яхши «ўнлик» (ҳужумкор ярим ҳимоячи) ҳисобланади», — дея Мерфининг сўзларини келтиради «Metro» нашри.
Бруну Фернандеш 2020 йилда «Спортинг»дан «Манчестер Юнайтед»га 65 миллион евро эвазига ўтган эди. Унинг шартномаси 2027 йилнинг 30 июнигача мўлжалланган. Жорий мавсумда португалиялик футболчи «қизил иблислар» сафида барча мусобақаларда 24 та ўйин ўтказиб, 6 та гол урди ва 13 та голли узатмани амалга оширди.
