"Борнмут" яримҳимоячиси Алекс Скотт "Челси" қизиқишлари доирасига тушиб қолди.
Хабарга кўра, "кўклар" ёзги трансферлар вақтида 22 ёшли хавбекни ўз сафига қўшиб олиш вариантини кўриб чиқади. Лондон клуби майдон марказига яна бир футболчини олиб келмоқчи.
Алекс Скотт 2023 йилда "Бристол Сити"дан 23 миллион евро эвазига "Борнмут"га ўтганди. Унинг шартномаси 2028 йилнинг 30 июнига қадар имзоланган.
Жорий мавсумда ярим ҳимоячи барча мусобақаларда 27 та ўйинда майдонга тушиб, 3 та гол урди ва 1 та голли узатмани амалга оширди. Transfermarkt портали Скоттни 30 миллион еврога баҳоламоқда.
