Лондоннинг "Тоттенхэм" клуби собиқ футболчиси Деле Алли Испания чемпионатида ишлаш имкониятига эга, деб хабар бермоқда Talksport нашри.
Манбага маълум бўлишича, англиялик ярим ҳимоячига бир вақтнинг ўзида Ла Лиганинг бир неча клублари - "Хетафе", "Севилья", "Эльче" ва "Овьедо" қизиқиш билдирмоқда. Айни вақтда Деле эркин агент мақомида бўлиб турибди. Унинг сўнгги иш жойи Италиянинг "Комо" клуби бўлган.
Ўтган мавсумда 29 ёшли хавбек Италия чемпионатида атиги битта учрашув ўтказган. А Серияга кўчиб ўтишдан олдин Алли Истанбулнинг "Бешиктош" жамоасида ўйнаган.













