Ҳужумкор ярим ҳимоячи Андерсон Талиска "Фенербахче" билан янги меҳнат шартномасини имзолади. Бу ҳақда турк клуби сайтида маълумот пайдо бўлди.
Янги шартномага кўра, бразилиялик хавбек 2028 йилнинг ёзигача "Фенербахче" шарафини ҳимоя қилади.
Талиска 2025 йил январь ойидан бери Туркияда ўйнамоқда. Жорий мавсумда ярим ҳимоячи барча мусобақаларда 33 та ўйинда майдонга тушиб, 19 та гол урди ва 4 та голли узатмани амалга оширди.
"Фенербаҳче" Туркия чемпионатининг 20-туридан кейин турнир жадвалида "Галатасарой"дан 6 очко ортда қолиб, 2-ўринда бормоқда.
