Мадриднинг «Реал» клуби устози Альваро Арбелоа жамоа сардори Даниэль Карвахаль билан боғлиқ вазият ҳақида фикр билдирди.
34 ёшли ўнг қанот ҳимоячиси кетма-кет тўртинчи ўйинда захира ўриндиғида қолди. Тажрибали испаниялик футболчи Ла Лиганинг якшанба куни бўлиб ўтган ва «қаймоқранглилар»нинг 2:0 ҳисобидаги ғалабаси билан якунланган «Валенсия»га қарши баҳсида ҳам майдонда кўриниш бермади.
«Карвахаль кундан-кунга ўзини яхшироқ ҳис қилмоқда, аста-секин формасига қайтяпти. Бироқ бизга шошилишнинг керак йўқ. Ўйлайманки, унинг «Реал» учун нақадар муҳим эканини тушунтиришга ҳожат йўқ. Дани — жамоадаги барча учун ўрнакдир», — деди Арбелоа.
