Бу қишда Амстердамнинг «Аякс» клубига ўтган украиналик ҳимоячи Александр Зинченко дебют ўйинидан сўнг ўз фикрларини билдирди. У АЗ жамоасига қарши баҳсда иштирок этди ва учрашув 1:1 ҳисобидаги дуранг билан якунланди.
"Бу биз кутган натижа эмас, бошқачароқ натижага умид қилгандик. Бу осон бўлмаган ўйин бўлди, биринчи бўлиб гол ўтказиб юбориш доим ёқимсиз. Биз кўпроқ ишлашимиз ва хатоларимизни тузатишимиз керак.
Жамоага ёрдам бериш учун бор кучимни (100 фоиз) бериш ниятидаман. Ҳозирда жисмоний ҳолатим аъло даражада", — дея украиналик футболчининг сўзларини келтирмоқда ESPN.
Эслатиб ўтамиз, Александр Амстердам грандига Лондоннинг «Арсенал» клубидан ижара асосида ўтган эди.
