Bu qishda Amsterdamning «Ayaks» klubiga o‘tgan ukrainalik himoyachi Aleksandr Zinchenko debyut o‘yinidan so‘ng o‘z fikrlarini bildirdi. U AZ jamoasiga qarshi bahsda ishtirok etdi va uchrashuv 1:1 hisobidagi durang bilan yakunlandi.

"Bu biz kutgan natija emas, boshqacharoq natijaga umid qilgandik. Bu oson bo‘lmagan o‘yin bo‘ldi, birinchi bo‘lib gol o‘tkazib yuborish doim yoqimsiz. Biz ko‘proq ishlashimiz va xatolarimizni tuzatishimiz kerak.

Jamoaga yordam berish uchun bor kuchimni (100 foiz) berish niyatidaman. Hozirda jismoniy holatim a’lo darajada", — deya ukrainalik futbolchining so‘zlarini keltirmoqda ESPN.

Eslatib o‘tamiz, Aleksandr Amsterdam grandiga Londonning «Arsenal» klubidan ijara asosida o‘tgan edi.