Франция Лига 1 мусобақасининг 21-туридан ўрин олган марказий учрашувда «Марсель» сафарда «ПСЖ» жамоасига 0:5 ҳисобида имкониятни бой берди. Ушбу натижа ҳақида Прованс клуби устози Роберто де Дзерби ўз фикрларини билдирди.

"Ҳозирча бизнинг беқарор ўйинимиз бўйича менда ечим йўқ. Фаолиятимда биринчи марта шундай паст-баландликлари кўп жамоани бошқаряпман. Жуда хафаман, биз бунчалик йирик ҳисобда мағлуб бўлмаслигимиз керак эди. Клуб раҳбарлари билан гаплашиб, биргаликда ечим топишимиз зарур бўлади. Бу ҳолат «Брюгге», «Ренн» ва «Ланс» билан ўйинлардан кейин ҳам содир бўлганди", — дея мутахассиснинг сўзларини келтирмоқда «RMC Sport».

Бугунги кун ҳолатига кўра, де Дзерби шогирдлари 39 очко билан Франция чемпионати турнир жадвалида тўртинчи ўринни эгаллаб турибди.