Мадриднинг "Реал" клуби ҳужумчиси Килиан Мбаппе Испания Ла Лигасининг 23-туридан ўрин олган "Валенсия"га (2:0) қарши ўйинда ҳакамлар ишини танқид қилди.
"Бу қандай офсайд бўлиши мумкин? Менга тушунтириш керак. Келинг, трибуна остидаги хонага кирайлик, сиз менга тушунтириб беринг, чунки мен тушунмаяпман. Мен сиз билан гаплашяпман, сиз эса менга қарамаяпсиз, мен билан гаплашмаяпсиз", - дея Мбаппенинг захира ҳакамига айтган сўзларини келтиради АS.
Шундан сўнг, тўртинчи ҳакам унга эътибор бермаётганини кўрган Мбаппе Камавингага ўгирилиб, француз тилида "Масхарабоз ҳакамлар" деди.
Мбаппенинг ғазабини танаффусдан бироз олдин содир бўлган эпизод келтириб чиқарди. "Валенсия" ҳимоячилари тўпни олиб қўйгач, ҳакам ҳужумчи офсайдда қолиб кетганини қайд этди. Француз ўзига нима учун офсайд берилганига тушунмади ва тўртинчи ҳакамдан қабул қилинган қарорни тушунтириб беришни сўради.
