Madridning "Real" klubi hujumchisi Kilian Mbappe Ispaniya La Ligasining 23-turidan o‘rin olgan "Valensiya"ga (2:0) qarshi o‘yinda hakamlar ishini tanqid qildi.

"Bu qanday ofsayd bo‘lishi mumkin? Menga tushuntirish kerak. Keling, tribuna ostidagi xonaga kiraylik, siz menga tushuntirib bering, chunki men tushunmayapman. Men siz bilan gaplashyapman, siz esa menga qaramayapsiz, men bilan gaplashmayapsiz", - deya Mbappening zaxira hakamiga aytgan so‘zlarini keltiradi AS.

Shundan so‘ng, to‘rtinchi hakam unga e’tibor bermayotganini ko‘rgan Mbappe Kamavingaga o‘girilib, fransuz tilida "Masxaraboz hakamlar" dedi.

Mbappening g‘azabini tanaffusdan biroz oldin sodir bo‘lgan epizod keltirib chiqardi. "Valensiya" himoyachilari to‘pni olib qo‘ygach, hakam hujumchi ofsaydda qolib ketganini qayd etdi. Fransuz o‘ziga nima uchun ofsayd berilganiga tushunmadi va to‘rtinchi hakamdan qabul qilingan qarorni tushuntirib berishni so‘radi.