«Пари Сен-Жермен» ярим ҳимоячиси Витиньянинг номи доимий равишда Мадриднинг «Реал» клубига ўтиши билан боғланмоқда.
25 ёшли футболчи «қаймоқранглилар»нинг асосий трансфер мақсадларидан бири ҳисобланади. Инсайдер Фабрицио Романонинг маълумотларига кўра, «Реал» вакилларига ва бошқа топ-клубларга ярим ҳимоячи ҳақиқатан ҳам ёқади, бироқ вазият ўзгаришсиз қолмоқда: ўйинчининг «ПСЖ» билан узоқ муддатли шартномаси ва юқори маоши бор, Париж клуби раҳбарияти эса уни ўз лойиҳасининг муҳим фигураси деб билади. Португалияликни жамоадан чиқариб олиш жуда қийин бўлади — Франция гранди ўз юлдузи учун жуда катта маблағ талаб қилади, деб таъкидлайди Романо.
«Transfermarkt» портали мутахассислари Витиньянинг нархини 110 млн еврога баҳолашмоқда.
