«Ньюкасл» Англия чемпионатининг 26-тури доирасида «Тоттенхэм»ни мағлуб этди — 2:1. Ўйин Лондонда бўлиб ўтди.
Биринчи бўлим якунида «қарғалар» ҳимоячиси Малик Тшау ҳисобни очди. «Шпорлар» 64-дақиқада ярим ҳимоячи Арчи Грэйнинг голи эвазига мувозанатни тиклашди. Орадан 4 дақиқа ўтиб, меҳмонлар аъзоси Жейкоб Рэмси «Ньюкасл»ни яна олдинга олиб чиқди ва ўйиндаги якуний ҳисобни ўрнатди.
«Ньюкасл» 36 очко жамғариб, АПЛ турнир жадвалида 10-ўринга кўтарилиб олди. «Тоттенхэм» эса 29 очко билан 16-поғонада бормоқда.
Англия Премьер-лигаси. 26-тур | 11 февраль | «Тоттенхэм Хотспур Стэдиум»
Тоттенхэм — Ньюкасл Юнайтед — 1:2
-
Голлар: Тшау, 45+5 (0:1); Грэй, 64 (1:1); Рэмси, 68 (1:2).
-
Тоттенхэм: Викарио, Дрэгушин, ван де Вен, Спенс, Грэй, Биссума (Пальинья, 46), Сарр, Галлахер (Коло Муани, 70), Симонс, Одобер (Тель, 35), Соланке.
-
Ньюкасл Юнайтед: Поуп, Ботман, Тшау, Берн, Триппьер, Гимарайнс (Холл, 90+1), Рэмси (Тонали, 75), Уиллок (Осула, 88), Барнс, Эланга (Мерфи, 75), Гордон (Вольтемаде, 88).
-
Огоҳлантиришлар: Сарр (41), Спенс (62), Симонс (67) — Берн (59), Гимарайнс (89).
