«Ливерпуль» бош мураббийи Арне Слот мавсум якунигача лавозимида қолмаслиги мумкин. «Қизиллар» Премьер-лигада ёмон натижалар кўрсатмоқда, бу эса жамоанинг Чемпионлар лигасига йўлланма ололмаслик хавфини юзага келтирмоқда.
«MatchDay Central» нашрининг хабар беришича, агар яқин ҳафталарда вазият ижобий томонга ўзгармаса, клуб раҳбарияти нидерландиялик мутахассисни истеъфога чиқариш ҳақида қарор қабул қилиши мумкин. Кейинги учрашувлар мураббий тақдирини белгилаб бериши истисно этилмаяпти.
Арне Слот 2024 йилнинг ёзидан буён «Ливерпуль» бошқарувида ишлаб келмоқда. Унинг қўл остидаги илк мавсумда жамоа Англия чемпионлигини қўлга киритган эди. АПЛнинг жорий мавсумида 25 турдан сўнг мерсисайдликлар турнир жадвалида атиги олтинчи ўринни эгаллаб турибди.
