"Наполи" бош мураббийи Антонио Конте жамоаси энди А Серия чемпионлигига даъвогарлар қаторида эмас, деб ҳисобламоқда.
Сешанба куни неаполликлар Италия кубоги чорак финалида "Комо"га пенальтилар сериясида имкониятни бой бериб қўйди. Чемпионатда Конте жамоаси учинчи ўринни эгаллаб турибди, аммо унинг сўзларига кўра, скудетто учун кураш ҳақида гап бўлиши мумкин эмас.
"Биз "Интер"дан тўққиз очко ортдамиз, бизда таркиб билан жиддий муаммолар бор, сиз эса скудетто ҳақида сўраяпсиз. "Интер", "Милан", "Рома", "Ювентус", ҳатто ўша "Комо" ҳам бор. Нима ҳақида гап кетяпти? Келинг, баҳоларда жиддий бўлайлик, акс ҳолда бу шунчаки кулгили", - деди Конте.
Эслатиб ўтамиз, айнан "Наполи" ўтган мавсумда А Серия ғолибига айланган эди.
