"Пахтакор" ўз тарбияланувчиси Ҳожиакбар Алижонов билан келишувини 2027 йил охирига қадар узайтирганини эълон қилди.
2018 йилдан бери жамоа асосий таркибида ўйнаб келаётган ҳимоячи Суперлигада 166 ўйинда 8 гол уришга эришган.
"Пахтакор" таркибида барча мусобақаларда 234 учрашувда иштирок этиб, 11 тўп киритган. Ҳозиргача Ҳожиакбар жамоа билан 5 марта Ўзбекистон чемпионати, 3 бор Ўзбекистон Кубоги, 2 марта Суперкубок ҳамда бир бор Лига Кубогида зафар қучган.













