Килиан Мбаппе "Валенсия"га (2:0) қарши ўйин ҳаками шаънига ҳақоратли сўзлар ишлатгани учун жазодан қутулиб қолади.
Биринчи бўлим якунланиши арафасида бош ҳакам Хавер Альберола Рохас франциялик ҳужумчини офсайдда қолганини қайд этди. Мбаппе тўртинчи ҳакам Давид Камбронеро Гонсалесдан қабул қилинган қарорга изоҳ беришни сўради. Ҳакам бу эпизодни трибуна остидаги хонада муҳокама қилишга тайёрлигини айтди, аммо иккинчи бўлим бошланишидан олдин Мбаппенинг такрорий илтимосига жавоб бермади, шундан сўнг француз уни "масхарабоз" деб атади.
L'Equipe нашри хабарига кўра, Мбаппенинг бу сўзлари ҳакамнинг ўйиндан кейинги ҳисоботида акс этмаган. Лига интизом қўмитаси футболчини жазолаши даргумон.
