«Челси» бош мураббийи Лиам Росеньор ҳимоячи Уэсли Фофананинг жисмоний ҳолатини баҳолади.
«У узоқ вақт ичида илк бор ҳафта ўртасидан дам олиш кунларигача бўлган даврда кетма-кет иккита ўйинда майдонга тушди. Бу жуда ижобий белги. Ҳар бир футболчининг мақсади — барча ўйинларда иштирок эта олишдир. Ҳозирча биз Фофана билан бунга эришганимиз йўқ. Бироқ, биздаги тиббий штаб ва иш услубимиз билан буни амалга ошира олишимизга ишончим комил», — деди Росеньор матбуот анжуманида.
Уэсли Фофана 2022 йилда «Лестер»дан «Челси»га 80 миллион евро эвазига ўтган эди. Унинг шартномаси 2029 йил 30 июнгача амал қилади. Жорий мавсумда ҳимоячи «кўклар» сафида барча мусобақаларда 24 та ўйинда майдонга тушиб, иккита голли узатмани амалга оширди.
