«Ноттингем Форест» клуби Англия чемпионатининг 26-турида «Вулверхэмптон» билан қайд этилган дурангдан (0:0) сўнг, Шон Дайчни бош мураббий лавозимидан озод этганини эълон қилди.

«Шон ва унинг жамоасига клубдаги фаолияти давомида кўрсатган саъй-ҳаракатлари учун миннатдорчилик билдирамиз ва келгуси ишларида зафарлар тилаймиз. Ҳозирча бу борада бошқа ҳеч қандай қўшимча изоҳ берилмайди», — дейилади клуб пресс-релизида.

Шон Дайч 2025 йилнинг октябрь ойидан буён «Ноттингем» билан ишлаб келаётган эди. Унинг қўл остида жамоа барча турнирларда 25 та ўйин ўтказиб, 10 та ғалаба ва 5 та дуранг қайд этди.

Ҳозирда «Ноттингем Форест» 26 турдан сўнг 27 очко жамғарган ҳолда АПЛ турнир жадвалида 17-ўринни эгаллаб турибди.