«Фулхэм» бош мураббийи Марко Силва Англия чемпионатининг 26-тури доирасида «Манчестер Сити»дан қабул қилинган мағлубият (0:3) ҳақида ўз фикрларини билдирди.
«Одатда, бу каби ўйинларда жуда эҳтиёткор бўлиш кераклигини биламиз. Бугун «Сити» жуда осонлик билан голлар урди. Ҳисоб 1:0 бўлиб турганда, бизда мувозанатни тиклаш учун яхши имконият бўлган эди, балки бошқа ўйинда бундан фойдаланган бўлардик. Бундай даражадаги баҳсларда биз ўзимизнинг энг яхши ҳолатимизда бўлишимиз шарт, аммо бугун буни уддалай олмадик ва шу сабабли мағлуб бўлдик», — дея Силванинг сўзларини келтирмоқда BBC.
