«Интер Майами» матбуот хизмати 8 февраль куни Эквадорнинг «Барселона» жамоасига қарши ўртоқлик учрашувида Лионель Месси жароҳат олганини маълум қилди.
Аргентиналик футболчи 11 февраль, чоршанба куни жамоанинг машғулотларини ўтказиб юборди.
Маълум қилинишича, унда чап сон мушагининг чўзилиши аниқланган. У қўшимча тиббий кўриклардан ўтказилган ва улар ташхисни тасдиқлаган.
Унинг майдонга қачон қайтиши ҳозирча аниқ эмас ва бу футболчининг ҳолатига боғлиқ бўлади.













