«Манчестер Сити» бош мураббийи Хосеп Гвардиола Абдуқодир Ҳусановнинг ҳимоянинг ўнг қанотида муваффақиятли ўйнай олишига шубҳа қилмаяпти.
21 ёшли футболчи «Фулхэм»га қарши баҳснинг 60-дақиқасида захирадан майдонга тушди ва ўзи учун одатий бўлмаган ўнг қанот ҳимояси позициясини эгаллади. Учрашув «шаҳарликлар»нинг 3:0 ҳисобидаги ғалабаси билан якунланди.
«Мен Ҳусановнинг ўнг қанот ҳимоячиси сифатидаги ўйинини кузатдим ва бу Кайл Уокернинг энг прайм давридаги ижросига ўхшарди. Мен Ҳусановнинг бунга қодирлигини биламан», — дея Гвардиоланинг сўзларини келтирмоқда «The Touchline».
Абдуқодир Ҳусанов Англия Премьер-лигасининг жорий мавсумида 12 та учрашувда майдонга тушди.
