«Манчестер Сити» бош мураббийи Хосеп Гвардиола ярим ҳимоячи Бернарду Силванинг жамоа учун нечоғлик муҳим эканлигини яна бир бор таъкидлаб ўтди.

Чоршанба куни 31 ёшли португалиялик футболчи «шаҳарликлар»га ўз майдонида «Фулхэм»ни тор-мор этишга (3:0) ёрдам берди ва 60-дақиқагача майдонда ҳаракат қилди.

"Бернарду — алмаштириб бўлмас футболчи. У кетганидан кейин биз тизимни ўзгартиришга мажбур бўламиз. Уни алмаштиришнинг имкони йўқ", — деди Гвардиола ўйиндан кейинги интервьюсида.

Бернарду Силванинг «Манчестер Сити» билан амалдаги шартномаси шу ёзда якунига етади. Жорий мавсум жамоа сардори учун «Сити»даги охиргиси бўлиши эҳтимоли юқори.