«Манчестер Сити» бош мураббийи Хосеп Гвардиола Нико О'Райлининг қанот ҳимоячиси позициясидаги ўйини ҳақида ўз фикрларини билдирди.

«Топ, топ, топ! Биз жисмоний жиҳатдан жуда яхши тайёргарликка эга бўлишимиз керак, чунки ҳозирча тўп назоратини яхши йўлга қўя олмаяпмиз. Тўпни ёмон назорат қилган вақтингда, агар жисмоний ҳолатинг ҳам етарли даражада бўлмаса, бошқалар билан рақобатлаша олмайсан», — дея Гвардиоланинг сўзларини келтирмоқда «City Report».

Жорий мавсумда «Манчестер Сити»нинг 20 ёшли тарбияланувчиси барча мусобақаларда 37 та ўйинда майдонга тушиб, 4 та гол урди ва 5 та голли узатмага муаллифлик қилди.

О'Райлининг «Манчестер Сити» билан шартномаси 2030 йилгача мўлжалланган. «Transfermarkt» портали футболчининг бозор қийматини 40 миллион еврога баҳоламоқда.