Мюнхеннинг «Бавария» клуби дарвозабони Мануэль Нойер Германия Кубоги чорак финали доирасидаги «РБ Лейпциг»га қарши ўйиндан сўнг ўз фикрларини билдирди. Венсан Компани шогирдлари 2:0 ҳисобида ғалаба қозонишди. Голларга Диас ва Кейн муаллифлик қилди.

«Биз ўйин учун аниқ режа ишлаб чиққан эдик. Биз учун гол ўтказиб юбормаслик ва рақибга бўлган босимни ошириб бориш муҳим эди. Уларнинг ҳужумларини тўхтатиб қолишнинг уддасидан чиқдик. «Бавария» сўнгги дақиқагача яхлит ўйин кўрсатди», — дея дарвозабоннинг сўзларини келтирмоқда немис гранди матбуот хизмати.

Мюнхенликлар навбатдаги учрашувни Бундеслига доирасида Бременнинг «Вердер» жамоасига қарши ўтказишади. Ўйин шанба куни, 14 февраль соат 19:30 да бошланиши режалаштирилган.