Англия терма жамоаси бош мураббийи Томас Тухель жамоа билан шартномани узайтиришга муносабат билдирди.

"Мен жуда хурсандман ва Англия терма жамоаси билан шартномамни узайтирганимдан фахрланаман. Футболчиларим ва мураббийларим билан ишлашнинг ҳар бир дақиқасидан завқланишим ҳеч кимга сир эмас. Жамоани жаҳон чемпионатида ғалаба қозонишга олиб келишни интиқлик билан кутяпман. Мамлакатимиз биз билан фахрланиши учун қўлимиздан келганини қиламиз", - дея Тухелнинг сўзларини келтиради терма жамоа матбуот хизмати.

Англия терма жамоаси 2026-йилги жаҳон чемпионатига муваффақиятли йўлланма олди. Қуръа натижаларига кўра, Тухель жамоаси Гана, Панама ва Хорватия билан беллашадиган L квартетига йўл олди.