Ҳужумчи Душан Влахович жорий мавсум якунлангач, "Ювентус"ни тарк этиши мумкин.
TEAMtalk хабарига кўра, Турин клуби серб билан 2026 йилнинг 30 июнида тугайдиган шартномани узайтирмайди, шунинг учун ёзда футболчи эркин агентга айланади. Ҳужумчини сотиб олишга кўплаб клублар қизиқиш билдирмоқда, аммо "Челси" футболчи трансфери учун курашда етакчига айланди.
Душан Влахович 2022 йилда "Фиорентина"дан 83 миллион евро эвазига "Ювентус"га ўтганди. Жорий мавсумда ҳужумчи Турин клуби сафида барча мусобақаларда 17 та ўйинда майдонга тушиб, 6 та гол урди ва 2 та голли узатмани амалга оширди. Transfermarkt портали Влаховичнинг нархини 35 миллион еврога баҳоламоқда.













