«Манчестер Юнайтед»нинг собиқ футболчиси Рой Кин «Челси» ярим ҳимоячиси Коул Палмернинг ўйини ҳақида ўз фикрларини билдирди. У ҳужумкор хавбекнинг ҳаракатларидаги эркинлик ва хотиржамликни алоҳида қайд этди.

«Мен Палмернинг ўйинга бўлган муносабатига озгина ҳасад қиламан. Унинг ёндашуви мен ўйнаган даврдагидан бутунлай фарқ қилади. Ўйинни шунчалик осонлаштириб юборадиган футболчиларни кўрганимда, уларга қойил қоламан. У худди кўчада тўп сураётгандек ўйнайди», — деди Кин.

Жорий мавсумда Коул Палмер «Челси» сафида 18 та ўйинда майдонга тушиб, 9 та гол урди ва 3 та голли узатмани амалга оширди.