Европанинг топ-клублари аллақачон ёзги трансфер режаларини тузишни бошлашди. «The Touchline» нашрининг хабарига кўра, «Милан» клуби «Барселона» ҳимоячиси Жерар Мартинга қизиқиш билдирмоқда. 23 ёшли футболчи ҳам чап қанотда, ҳам мудофаа марказида ўйнаш қобилиятига эга.
«Барселона» Мартинни юқори баҳолайди, бироқ клубнинг молиявий ҳолати «кўк-анорранглилар»нинг 30 миллион евро атрофидаги таклифга «йўқ» деб жавоб беришини кафолатламайди.
2025/2026 йилги мавсумда Жерар Мартин 32 та ўйинда майдонга тушди, бироқ самарали ҳаракатларни амалга оширмади.
«Милан» айни дамда А Серия турнир жадвалида иккинчи ўринни эгаллаб турибди. «Россонерилар» битта кам ўйин ўтказган ҳолда пешқадам «Интер»дан саккиз очко ортда қолмоқда.
