Франция чемпионатининг 22-тури доирасида Парижнинг «ПСЖ» клуби сафарда «Ренн» билан тўқнаш келади. Ушбу баҳс олдидан парижликлар устози Луис Энрике ўз фикрлари билан ўртоқлашди.
"Рақибимиз ҳозир энг яхши даврларини бошдан кечирмаётган бўлса-да, уларга қарши ўйнаш барибир осон эмас. Мақсадимиз — турнир жадвалидаги рақобатчиларимизга босим ўтказишда давом этиш", — дея испаниялик мутахассиснинг сўзларини келтирди клуб матбуот хизмати.
«Ренн» ва «ПСЖ» ўртасидаги учрашув бугун, 13 февраль куни бўлиб ўтади ва Тошкент вақти билан соат 23:00 да бошланади. Учрашув олдидан майдон эгалари Лига 1 турнир жадвалида олтинчи ўринда боришмоқда, меҳмонлар эса чемпионат пешқадами бўлиб туришибди.
