Fransiya chempionatining 22-turi doirasida Parijning «PSJ» klubi safarda «Renn» bilan to‘qnash keladi. Ushbu bahs oldidan parijliklar ustozi Luis Enrike o‘z fikrlari bilan o‘rtoqlashdi.
"Raqibimiz hozir eng yaxshi davrlarini boshdan kechirmayotgan bo‘lsa-da, ularga qarshi o‘ynash baribir oson emas. Maqsadimiz — turnir jadvalidagi raqobatchilarimizga bosim o‘tkazishda davom etish", — deya ispaniyalik mutaxassisning so‘zlarini keltirdi klub matbuot xizmati.
«Renn» va «PSJ» o‘rtasidagi uchrashuv bugun, 13 fevral kuni bo‘lib o‘tadi va Toshkent vaqti bilan soat 23:00 da boshlanadi. Uchrashuv oldidan maydon egalari Liga 1 turnir jadvalida oltinchi o‘rinda borishmoqda, mehmonlar esa chempionat peshqadami bo‘lib turishibdi.
