«Бавария» бош мураббийи Венсан Компани ҳужумчи Майкл Олисенинг дисквалификацияси ҳақида ўз фикрлари билан ўртоқлашди. Футболчи сариқ карточкалари кўпайиб кетгани сабабли «Вердер»га қарши бўлиб ўтадиган навбатдаги ўйинни ўтказиб юборади.
"Майкл ажойиб футбол кўрсатаётгани аниқ. Энг муҳими, у жароҳат олмаган. Бизда бўлажак ўйинда унинг ўрнини босадиган вариантлар мавжуд", — дея Компанининг сўзларини келтиради Bayern & Germany.
Жорий мавсумда 24 ёшли француз юқори самарадорлик кўрсатмоқда: барча мусобақалардаги 34 та ўйинда у 13 та гол урди ва 25 та голли узатмани амалга оширди.
Германия чемпионати 22-туридан ўрин олган «Вердер» ва «Бавария» ўртасидаги учрашув 14 февраль куни бўлиб ўтади. Ўйин Тошкент вақти билан соат 19:30 да бошланади.
