«Реал» Испания чемпионати доирасидаги «Реал Сосьедад»га қарши ўз майдонида бўлиб ўтадиган ўйинга тайёргарликни давом эттирмоқда. Жума куни мадридликлар ҳужумчиси Килиан Мбаппе умумий гуруҳ машғулотларига қайтди. Тегишли кадрларни «қаймоқранглилар» матбуот хизмати ва Испания ОАВлари намойиш этди.

Бундан олдинги кунларда Мбаппе майдонда эмас, балки спорт залида машғулот ўтаган эди. Бу ҳақда клубда маълум қилишган.

«Реал» ва «Реал Сосьедад» шанба куни, 14 февраль куни ўзаро ўйнашади. Учрашув Тошкент вақти билан якшанбага ўтар кечаси соат 01:00 да бошланади. Килиан Мбаппенинг «Реал» асосий таркибида майдонга тушиш имкониятлари бордек кўринмоқда.

Альваро Арбелоа жамоаси Ла Лигада «Барселона»дан бир очко ортда қолган ҳолда иккинчи ўринни эгаллаб турибди.