Англия терма жамоаси бош мураббийи Рой Хожсон жамоа ҳужумчиси Уэйн Рунининг жароҳат олгани тўғрисидаги хабарларни рад этди. Бу ҳақда Daily Mail хабар тарқатган.
"Ўйинга қанчалик тайёр эканини айтиш қийин, аммо унда ҳеч қандай жисмоний жароҳат йўқ. Машғулотлар давомида таҳлиллар олиб борамиз, натижалар эса қизиқарли бўлади.
У билан суҳбатлашдим, ҳаммаси яхши бўлишига умид қиламан. Бўлиб ўтган воқеалар унга салбий таъсир кўрсатади деб ўйламайман. Шахсан ўзимга у чин юракдан ишлаётгандек кўринди", деди Хожсон.
Эслатиб ўтамиз, чоршанба куни Англия терма жамоаси Шотландия билан ўртоқлик ўйинида майдонга тушади.
