Шанба куни «Реал» Испания Ла Лигаси доирасида ўз майдонида «Реал Сосьедад»ни қабул қилади. Мадрид жамоаси устози Альваро Арбелоа бўлажак учрашув ҳақида ўз фикрларини билдирди.
«Реал Сосьедад» янги мураббий қўл остида ижобий таассурот қолдирмоқда. Улар кучли рақибларга қарши ўйнашди ва ҳали ҳам мағлубият нималигини билишмаяпти. Бу хавфли жамоа. Жуда қийин бўлади ва биз буни тушуниб турибмиз. Биз яна ўз энг юқори даражамизни кўрсатишимиз керак», — деди Арбелоа матбуот анжуманида.
«Реал» ва «Реал Сосьедад» ўртасидаги Ла Лига баҳси 14 февраль куни Тошкент вақти билан соат 01:00 да (15 февралга ўтар кечаси) бошланади.
